Azərbaycan təmsilçisi bu gün "Sea Breeze 2026" beynəlxalq turnirində final oyununa çıxacaq

[center][/center]

Azərbaycanda ilk dəfə təşkil olunan çimərlik polosu üzrə "Sea Breeze 2026" beynəlxalq turnirində bu gün final və üçüncü yer uğrunda oyunlar keçiriləcək.

"Report"un məlumatına görə, Azərbaycan təmsilçisi "Elit polo club" həlledici qarşılaşmada İsveçrənin "Sankt Mortiz" kollektivi ilə üz-üzə gələcək.

Üçüncü yer uğrunda görüşdə isə Böyük Britaniyanın "Red Star" komandası Rusiya təmsilçisi "Moscow polo club"la qarşılaşacaq.

Qarşılaşmalar saat 16:00-dan etibarən start götürəcək.

Qeyd edək ki, yarımfinalda "Elit polo club" "Red Star"ı 9:7, "Sankt Mortiz" isə "Moscow polo club"u 6:4 hesabı ilə ilə məğlub edib.